Facts About Number 420 in Assamese Language

Facts In Assamese Language

420 সংখ্যাটো সাধাৰণ অৰ্থত কবলৈ গ'লে আমাৰ ভাৰতীয় লোকৰ কাৰণে এটা লাজৰেই সংখ্যা ৷ আমাৰ দেশত কোনোবা লোকক 420 বুলি কলে তেওঁৰ কাৰণে সেয়া সন্মান যোৱা কথা ৷ কাৰণ Indian panel code ৰ 420 নম্বৰ ধাৰাতেই ঠগ, প্ৰবঞ্চনা আদি গোচৰবোৰৰ কথা আছে ৷ আমাৰ চুবুৰীয়া পাকিস্তান আৰু বাংলাদেশটো, ম্যানমাৰ আদিতো এই অপৰাধবোৰ 420 ধাৰাতেই অন্তৰ্ভুক্ত ৷ গতিকে ভাৰতীয় উপমহাদেশত 420 শব্দটো বেছিভাগ লোকৰ কাৰণে এক অবাঞ্ছিত সংখ্যা ৷

420 সংখ্যাটোৰ বিষয়ে  আমোদজনক কথা  Facts About Number 420 in Assamese Language


বিশ্বৰ বহুতো দেশত, বিশেষকৈ আমেৰিকাত 420 সংখ্যাটোৰ আকৌ প্ৰচুৰ আদৰ আছে ৷ 420 সংখ্যাটো ভাং ( Marijuana) খোৱা লোকসকলৰ বাবে অতি মৰমৰ সংখ্যা ৷ 420 ভাঙৰ এটা সাংকেতিক নাম ৷ বিশ্বৰ ভাং খোৱা বহুতো গোটে সদায় আবেলি 4:20 বজাত বা এপ্ৰিল মাহৰ 20 তাৰিখটো (4/20) ভাং খোৱাৰ বাবে আটাইতকৈ উপযুক্ত সময় বুলি বিশ্বাস কৰে ৷ এই সময়ত ভাং খোৱাটো দেশত ভাং খোৱাৰ চৰকাৰী অনুজ্ঞা দিবলৈ চৰকাৰক দাবী জনোৱাৰো এক প্ৰতীক বুলি ধৰা হয় ৷ ভাং খোৱা লোক সকলৰ মাজত 420 সংখ্যাটোলৈ থকা এই মৰমৰ বাবে আমেৰিকাৰ চৰকাৰৰ এক আমোদজনক অসুবিধাৰ সৃষ্টি হৈছে ৷ আমেৰিকাৰ ৰাস্তাত 420 লিখা থকা মাইলৰ খুটিবোৰ ভাং খোৱা লোক সকলে প্ৰায়েই মনে মনে চুৰ কৰি লৈ যায় ৷ এখন দেশৰ ৰাস্তাত 420 লিখা থকা লাখ লাখ মাইলৰ খুটি থাকিব পাৰে ৷ সেইবোৰো যদি চোৰৰ 'টাৰ্গেট' হবলৈ হয়, তেন্তে চৰকাৰ বিবুধিত পৰা স্বাভাৱিক ৷ সেয়ে আমেৰিকাৰ বহুতো প্ৰদেশে 420 লিখা মাইলৰ খুটিবোৰ চোৰৰ পৰা ৰক্ষা কৰিবলৈ এক অভিনৱ উপায় হাতত লৈছে ৷ তেওঁলোকে এতিয়া এই খুটিবোৰত 420 লিখাৰ সলনি 419.99 বা 419.9 লিখে ৷ এই আমোদজনক সালসলনিৰ ফলত গাড়ী চলাই গৈ থকা লোকসকলৰ দুৰত্ব পঢ়াত একো অসুবিধা নহয় যদিও এই ব্যবস্থাই আমেৰিকাৰ ভঙুৱা সকলক বাৰুকৈয়ে নিৰাশ কৰিছে ৷

-Alakesh Bhagawati