Zubeen Garg And Hiren Bhattacharya Story Every Assamese Should Read

Zubeen Garg Old Photo | Zubeen Garg And Hiren Bhattacharya

Story Of Zubeen Garg And Hiren Bhattacharya

এদিন আবেলি সময়ত মানুহজনে নিজৰ ঘৰতে কাগজ নিয়া মানুহ এজনক নিজৰেই পুৰণি কিতাপ অলপ বিক্ৰী কৰি আছিল । হঠাতে তেওঁৰ ওচৰত গৈ ওলাল এজন সৰু ল'ৰা । ল'ৰাজনে সেই মানুজনক অনুৰোধ কৰিলে তেওঁৰ কিছুমান কবিতা বিচাৰি আহিছে আৰু ক'লে সেইবোৰ ল'ৰাজনে সুৰ দিব বিচাৰে । মানুহজনে এবাৰ সুক্ষ্ম দৃষ্টিৰে এই স্পষ্টবাদী যুৱক জনলৈ চালে । আচৰিত হ'ল সৰু ল'ৰা জনক দেখি । মানুহজনে বিক্ৰী কৰিবলৈ থোৱা কাগজৰ মাজৰ পৰা কবিতা পুথি এখন উলিয়াই ল'ৰা জনক দিলে । পাছদিনাই গোটেই কবিতা কেইটাক সুমধুৰ সুৰ দি পুনৰ সেই মানুহজনৰ ওচৰলৈ আহিল সেই  ল'ৰাজন । তেওঁ মানুহজনক শুনালে গীত কেইটি । আস কি যে সুৰ। গীত কেইটি শুনি মানুহজনে আচৰিত হৈ বহুপৰ চাই থাকিল ল'ৰাজনৰ মুখলৈ ।

ALSO READ আমাৰ সমাজৰ কিছু অপ্ৰিয় অথচ সঁচা কথা

ল'ৰাজনৰ সুমধুৰ কণ্ঠত গীত কেইটি শুনি মানুহজনে পাহৰি গৈছিল যে সেইকেইটা তেওঁ লিখা কবিতা কেইটাৰ হে সুৰ ! এবাৰত মানুহজনে ল'ৰা জনৰ মূৰত হাত ফুৰাই ক'লে "তই এদিন গানৰে বিশ্ব জয় কৰিবি" ।

সেইয়াই আৰম্ভণি । তাৰ পাছত  বহুত গীত লিখিছিল  মানুহজনে সেই সুৱদী কণ্ঠৰ ল'ৰাটোৰ বাবে ।

বন্ধুসকল অনুমান কৰিব পাৰিছে চাগে মই কাৰ কথা কৈছো ! হয় মই তেওঁলোক দুজনৰ কথাই কৈছো । সেই মানুহজন মানে সুগন্ধি পখিলাৰ কবি , গীতিকাৰ হীৰেন ভট্টাচাৰ্য আৰু সেই ল'ৰাটো মানে যুৱপ্ৰজন্মৰ হাৰ্টথ্ৰ'ৱ জুবিন গাৰ্গ ...

দুয়োজনে মোৰ প্ৰিয়।

Ritu Priyam