Most Romantic Assamese Story For Couple | ব্ৰেকআপ | Breakup Story In Assamese

Most Romantic Assamese Story For Couple  | ব্ৰেকআপ | Breakup Story In Assamese

আজি তাইৰ সৈতে মোৰ ব্ৰেকআপ হব। আনুষ্ঠানিক ভাবে ব্রেক আপ কৰাৰ বাবে পানবজাৰৰ সেইখন ৰেষ্টুৰেন্টত আমি লগ হোৱাৰ কথা যিখনত আমি পোন প্ৰথমবাৰৰ বাবে সোমাইছিলো । তাই মোক কৈছে চাৰি বাজি ত্রিশ মিনিটত আহিবলৈ ।মই আহিছো 4:25 ত । এই মূহুৰ্তত চকীখনত বহি মোৰ প্ৰিয় গেম PUBG খুলি ললো .. এই গেমটো মই বহুত ভালপাও। খং উঠিলে, মন বেয়া হলে প্ৰায়ে খেলো মই। তাতে আকৌ আজি ব্রেক আপ দিন ।

"আহি পালা ?"

তাই মোৰ পিছপিনৰ পৰা মাত দিলে । আশ্চর্য, মই দিয়া গোলাপী শাড়ীখন পিন্ধি আহিছে । এইখন পিন্ধিবলৈ কিমান দিন কলো ।নোৱাৰে । ঠিক ঠিক ব্রেক আপৰ দিনাই পাৰিলে ?

শাড়ীখন মই এমাহৰ টিউচনবোৰৰ টকা খৰচ কৰি কিনিছিলো । তাই দেখি কৈছিল ,"কি কিনিছা ? এনে ৰং শাড়ী এই যুগত কোনে পিন্ধিব ?"

"তোমাৰ পছন্দ হৈছেনে ?"

"পছন্দ? । মোৰ পছন্দ । ধুৰ !!"

তাই চকুকেইটা ডাঙৰ কৰি কলে , "গোলাপ?ইমানবোৰ ? তুমি গোলাপ আনিছা মোৰ বাবে ? আই কান্ট বিলিভ ইট !"

তাই আগ্রহেৰে ফুলকেইটা ললে ।  কিছুক্ষণ পিচতেই বিৰক্তিকৰ সুৰত কলে "তেৰটা কিয়? আনলাকি বস্ত তোমাৰ খুব প্রিয়? ব্রেক আপৰ দিনাও অশুভ এটা সংখা লৈ আহিলা "

মই কলো , "কফি খাবা ?"

"তুমি আজি শেভ কৰি আহিছা, চোৱালীৰ দৰে দীঘল হৈ যোৱা চুলিবোৰ কাটিছা, কিয় কোৱাচোন ? ইমান দিন কলো চুলি দাড়ি কাটা , নুশুনা । আজি হঠাৎ...? এই এদিন যে আমাৰ ৰিলেশ্বনৰ শেষ দিন ?"

"তুমিও তো আজি এই গোলাপী শাড়ীখন পিন্ধি আহিছা । অথচ ইমানদিন কলো, সৰস্বতী পুজাৰ দিনাও নিপিন্ধিলা । কিয় কোৱাচোন ?"

"কিন্তু তুমি আজি ঠিক চাৰে চাৰিটাৰ সময় কেনেকৈ আহিলা ।আগতে তো আধাঘন্টাৰ কম লেট নকৰা ?"

"আচলতে আজি ঘড়ীটো নষ্ট হৈছিল , সেয়ে লেট কৰিব নোৱাৰিলো ।"

মই কিছু হাঁহি কলো , "ইয়েচ !"

কফিতে চুমুক দি দি তাই কলে," বেয়া হব!"

মই কলো ,"তেতিয়া হলে কিছুদিন পিছত ব্ৰেকআপ কৰিম ব্রেক আপ যেতিয়া বেয়া কৈ কৰা যাব তেতিয়া ভাল, বেয়া বেয়া কটাকটি "

মই তাইৰ হাতখন ধৰিলো । তাই খং নকৰিলে ।

ভাবিছো , অহাবাৰ তাইক চৈধ্যটা গোলাপ দিব লাগিব কাৰণ আজিলৈ আমাৰ ১৩ বাৰ ব্ৰেকআপ দিন পালন কৰা হল ।